ماى لاف فور ايفر


[img] [/img]

لا تندم على حب عشته حتى لو اصبح ذكرى مؤلمه
فان جفت الزهور وضاع منها عبيرها فتذكر انها منحتك عطرا جميلا اسعدك
اهلا بك عزيزى الزائر
بمنتديات ماى لاف فور ايفر
نرجو منك التسجيل للانضمام الى اسرتنا المتواضعه
مع تحيات ( عمده )



 
الرئيسيةس .و .جبحـثالتسجيلدخول
بحـث
 
 

نتائج البحث
 
Rechercher بحث متقدم
أفضل 10 أعضاء في هذا المنتدى
عمده الرومانسيه
 
تيتو
 
G-STAR
 
فارس الحب
 
elsyad
 
mido_2010
 
yoyo
 
ابو هاجر
 
lulu2270
 
el zanaty
 
المواضيع الأخيرة
» خـُطـَب يوم الجمعه الموافق 16 - 4 - 2010 كل خـُطبه على حدى - وبصيغة Mp3 - وبنقاء صوت عالي جداً - وبتحميل مباشر - وعلى أكثر من سيرفر
الجمعة أبريل 27, 2012 11:25 am من طرف تيتو

» خلق وآداب صلاه الجمعه
الجمعة أبريل 27, 2012 11:21 am من طرف تيتو

» مجموعة صور لاثار النبى عليه الصلاة والسلام
الجمعة أبريل 27, 2012 11:17 am من طرف تيتو

» حصرياا .. ومع عملاااق الحمااية .. AVG AntiVirus 2011 ب اخر تحديث له .. وعلى اكثر من سيرفر
الجمعة أبريل 27, 2012 11:13 am من طرف تيتو

» دعـــــــــــــاء
الجمعة أبريل 27, 2012 11:11 am من طرف تيتو

» ادعى معايا بقى
الجمعة أبريل 27, 2012 11:08 am من طرف تيتو

» احساس فظيع
الأحد أغسطس 07, 2011 1:38 am من طرف Natly

» البوم تامر عاشور ليا نظره 2011
الأحد يوليو 17, 2011 3:11 pm من طرف Natly

» هل وجدت في حياتك من يفهمك
الأحد يوليو 17, 2011 1:03 am من طرف Natly


شاطر | 
 

 قصيده فى حب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
G-STAR
عضو جامد
عضو جامد
avatar

عضو مميز
الجنس : ذكر الابراج : السمك عدد المساهمات : 296
تاريخ التسجيل : 09/11/2009
العمر : 27
ساكن فين؟ : على كوكب الارض
العمل : فنى تكييفات
المزاج : متظبط ( تم التعديل من قبل الاداره )

مُساهمةموضوع: قصيده فى حب   الجمعة مارس 05, 2010 4:42 pm

نظرًا لأن النعمة فاقت حدها
ولأننا مش قدها
ولأن فعلاً إنجازاتك
فوق طاقتنا نعدها
ولأننا غرقنا فى جمايل
مستحيل حنردها
نستحلفك.......نسترحمك
نستعطفك......نستكرمك
ترحمنا من طلعة جنابك
حبتين
عايزين نجرب خلقة تانية
ولو يومين
إسمع بقى
إحنا زهقنا من النعيم
ونفسنا فى يومين شقا
عايزين نجرب الإضطهاد
ونعوم ونغرق فى الفساد
بينى وبينك حضرتك
دا شعب فقرى مايستحقش جنتك
أنا عارف إنه شعب ماينفعوش
إلا شارون وبلير وبوش
عايز يجرب الإمتهان
ويعيش عميل للأمريكان
بيمد "غازُه" لإسرائيل
ويومين كمان ويمد النيل
أهو يعنى نشرب ميه واحدة
ندوب فى بعض
ماء وماء وماء
ونفض سيرة الإنتماء
وبلاها نعرة وطنطنة
وتبقى البلاد "مستوطنة "
متسلطنة ومتسرطنة
إيه اللى خدناه م الكرامة والإباء
حبة خطب وكلام...كلام
إحنا راهننا على النظام
ورضينا بخيار السلام
خيار حنسد عين الشمس بيه
علشان مايطلعش النهار
ويطلع لمين؟
حبة معارضة مغرضين؟
وحسب بيان السلطة
شلة مأجورين؟
ياعم فضك سيرة
وإرضى بقسمتك
دا شعب مش فاهم أكيد
يالا أُطرده من رحمتك
وإن كنت غاوى الحكم
خليك مطرحك
حاغطس وأقب وأعود
بشعب يريحك
راضى وعمره مايجرحك
أخرس وما بيسمعش
وأعميلك عينيه
مش كل قرش يبص فيه
مايقولش لأه، وفين، وليه
يضرب ينفض فى السليم
وعلى الصراط المستقيم
كل اللى يعرف ينطقه
عاش الملك

يا شعبي حبيبي يا روحي يا حبيبي
ياحاطك في جيبي يابن الحلال
يا شعبي يا شاطر يا جابر خواطر يا
ساكن مقابر وصابر وعال
يا واكل سمومك يا بايع هدومك يا حامل همومك
و شايل جبال
يا شعبي ياللي نايم وسارح وهايم وفي الفقر عايم
وحاله ده حال
احبك محشش مفرفش مطنش ودايخ مدروخ واخر انسطال
احبك مكبر دماغك مخدر ممشي امورك كده باتكال
واحب اللي ينصب واحب اللي يكدب واحب اللي ينهب
ويسرق تلال
واحب اللي شايف وعارف وخايف وبالع لسانه وكاتم
ماقال
واحب اللي قافل عيونه المغفل واحب البهايم
واحب البغال
واحب اللي راضي واحب اللي فاضي واحب اللي
عايز يربي العيال
واحب اللي يائس واحب اللي بائس واحب اللي
محبط وشايف محال
واحبك تسافر وتبعد تهاجر وتبعت فلوسك دولار
او ريال
واحبك تطبل تهلل تهبل عشان مطش كوره وفيلم
ومقال
واحبك تأيد تعضد تمجد توافق تنافق وتلحس
عال
تحضر نشادر تجمع كوادر تلمع تقمع تظبط مجال
لكن لو تفكر تخطط تقرر تشغل لي مخك وتفتح
جدال
وتبدأ تشاكل وتعمل مشاكل وتنكش مسائل
وتسأل سؤال
وعايز تنور وعايز تطور وتعمللي روحك
مفرد رجال
ساعتها حجيبك لايمكن اسيبك وراح تبقى عبره
وتصبح مثال
حبهدل جنابك وأذل اللي جابك وحيكون عذابك
ده فوق الاحتمال
وامرمط سعادتك واهزأ سيادتك واخلي كرامتك
في حالة هزال
وتلبس قضيه وتصبح رزيه وباقي حياتك تعيش في انعزال




عشان انت مصرى .. احمد فؤاد نجم


عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى


عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك


ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت


عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف
الرجوع الى أعلى الصفحة اذهب الى الأسفل
G-STAR
عضو جامد
عضو جامد
avatar

عضو مميز
الجنس : ذكر الابراج : السمك عدد المساهمات : 296
تاريخ التسجيل : 09/11/2009
العمر : 27
ساكن فين؟ : على كوكب الارض
العمل : فنى تكييفات
المزاج : متظبط ( تم التعديل من قبل الاداره )

مُساهمةموضوع: رد: قصيده فى حب   الجمعة مارس 05, 2010 4:55 pm

مع انى انا اللى منزل الكلام
ده بس بصراحه مش عاجبنى خلاص
انامن اللى اتقالت فى القصيده دى
وعاوز اشوف رايكو بس حقيقى الراجال
ده عمل حاجات للبلد كتير جداااااااااااااااا
وانا بصراحه مقتنع بمثل

اللى ميعرفش يقول عدس
حولت انقل ليكو وجهه نظر جايز يكون
صح بس حقيقى انا مش مقتنع باى كلامه
الرجوع الى أعلى الصفحة اذهب الى الأسفل
 
قصيده فى حب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ماى لاف فور ايفر :: المنتديات الترفيه :: منتدى المهيسين فى الارض-
انتقل الى: